Vui Tableetn fia de Bleedn,
jedn Deppn sei Arznei.
In da näxtn Gummizuin is
fei scho gwieß a Platzerl frei.

Benzedrin, Amphetamin
und Valium und Librium,
Thorazin und Adolfin,
dos da au gscheit dei Kepferl brumm.

Bayer, Merck & Co. und Schering
und da Eidgenoss La Roche -
wuide Hund sans, dia wo gherig
da des Gift steckn ind Gosch.

Wia da Esel in da Gschichtn
schoaßt nocha des puare Gold
und des Handlsblatt ko brichtn,
dos fiad Hund da Rubel rollt.